სტივენს-ჯონსონის სინდრომი
დაავადების აღწერა
სტივენს-ჯონსონის სინდრომი არის იშვიათი, სერიოზული დაავადება, რომლის დროსაც ზიანდება კანი და ლორწოვანი გარსები. იგი ჩვეულებრივ არის მედიკამენტზე ან ინფექციაზე საპასხუო რეაქცია. სტივენს-ჯონსონის სინდრომი ხშირად იწყებს გრიპის მსგავსი სიმპტომებით, რასაც მოყვება მტკივნეული წითელი ან მოიასამნისფრო გამონაყრის გაჩენა, რომელიც ვრცელდება და წარმოქმნის ბებერებს. ამის შემდეგ კანის დაზიანებული ზედაპირული შრე კვდება და იქერცლება.
სტივენს-ჯონსონის სინდრომი გადაუდებელ ჰოსპიტალიზაციას მოითხოვს. მკურნალობის მიზანია გამომწვევი მიზეზის მოშორება, სიმპტომების კონტროლი და გართულებების მინიმუმამდე დაყვანა.
სტივენს-ჯონსონის სინდრომის შემდეგ გამოკეთებას რამდენიმე კვირიდან რამდენიმე თვემდე სჭირდება, რაც დამოკიდებულია მდგომარეობის სიმძიმეზე. თუ სტივენს-ჯონსონის სინდრომი გამოწვეულია მედიკამენტით, თქვენ მოგიწევთ ამ მედიკამენტებისგან და მისი მსგავსებისგან მთელი ცხოვრების მანძილზე თავის არიდება.
გამომწვევი მიზეზი
სტივენს-ჯონსონის სინდრომი არის იშვიათი და მოულოდნელი რეაქცია. ექიმმა შეიძლება ზუსტი მიზეზი ვერ დაადგინოს, თუმცა მდგომარეობის გამშვები ხშირად მედიკამენტი ან ინფექციაა.
მედიკამენტები და თერაპიული მიზეზები
მედიკამენტები, რომლებმაც შეიძლება გამოიწვიონ სტივენს-ჯონსონის სინდრომი:
- პოდაგრას საწინააღმდეგო მედიკამენტები, როგორიცაა ალოპურინოლი
- ტკივილგამაყუჩებლები, როგორებიცაა აცეტამინოფენი, იბუპროფენი და ნატრიუმის პაპროქსენი
- ინფექციიის საწინააღმდეგო მედიკამენტები, მაგალითად პენიცილინი
- გულყრების და ფსიქიკური აშლილობების საწინააღმდეგო მედიკამენტები (ანტიკონვულსანტები, ანტიფსიქოტურები)
- რადიაციული თერაპია
ინფექციური მიზეზები
სტივენს-ჯონსონის სინდრომის გამომწვევ ინფექციებს მიეკუთვნება:
- ჰერპესი (მარტივი ჰერპესი ან ჰერპეს ზოსტერი)
- პნევმონია
- აივ
- ჰეპატიტი
სიმპტომები
სტივენს-ჯონსონის სინდრომის ნიშნები და სიმპტომებია:
- სახის შეშუპება
- ენის შეშუპება
- ჭინჭრის ციება
- კანის ტკივილი
- წითელი ან იასამნისფერი გამონაყარი, რომელიც რამდენიმე საათში ან დღეში ვრცელდება
- ბებერები პირის, ცხვირის, თვალების და გენიტალიების კანზე და ლორწოვან გარსებზე
- კანის აქერცვლა
თუ გაქვთ სტივენს-ჯონსონის სინდრომი, გამონაყრის გაჩენამდე რამდენიმე დღით ადრე შეიძლება აღგენიშნოთ:
- ტემპერატურის მომატება
- პირის ან ყელის ტკივილი
- დაღლილობა
- ხველა
- თვალების წვა
როდის მივმართოთ ექიმს
სტივენს-ჯონსონის სინდრომი მოითხოვს სასწრაფო მკურნალობას. სასწრაფოდ მოითხოვეთ სამედიცინო დახმარება თუ გაქვთ შემდეგი ნიშნებიდან და სიმპტომებიდან რომელიმე:
- ამოუხსნელი გავრცელებული გამონაყარი კანზე
- სახის შეშუპება
- ბებერები კანზე და ლორწოვან გარსებზე
- ჭინჭრის ციება
- ენის შეშუპება
- წითელი ან მოიასამნისფრო გამონაყარი, რომელიც ვრცელდება
- კანის აქერცვლა
