სათესლე ჯირკვლის შემოგრეხვა
სათესლე ჯირკვლის შემოგრეხვა არის გადაუდებელი მდგომარეობა. ამ დროს მცირდება სათესლე ჯირკვლის სისხლით მომარაგება, რაც იწვევს ძლიერ ტკივილს, შეშუპებას. ყველაზე ხშირად დამახასიათებელია 12-16 წლის ასაკში, თუმცა შესაძლოა განვითარდეს ნებისმიერ ასაკში.
სათესლე ჯირკვლის შემოგრეხვის დროს დამახასიათებელია: უეცრად განვითარებული ტკივილი, სათესლე პარკის დაჭიმულობა, შეშუპება, მუცლის ტკივილი, გულისრევა, ღებინება, ტემპერატურის მომატება, მტკივნეული შარდვა.
გართულებები: შესაძლოა განვითარდეს სათესლე ჯირკვლის ნეკროზი, სათესლე ჯირკვლის დაზიანების შემთხვევაში ზოგჯერ ვითარდება უნაყოფობა.
დიაგნოზის დასმა ხორციელდება ანამნეზის დეტალური შეკრებით, შარდის საერთო ანალიზის, სათესლე ჯირკვლების ულტრასონო გრაფიით და დოპლეროგრაფიით.
მკურნალობა -აუცილებელია დროული ქირურგიული ჩარევა.
